tirol isch lei uans...

so heute schreib ich einmal auf imsterisch, weil ich mir schon schwer tue hochdeutsch zu reden und schreiben...
es isch soooo schian dahuam, i hatt ma gar nit dacht, wia brutal i imscht vamisst han. vor allem die berge und die wälder. han zerscht ja dacht, es sein lei di berg, aba so an richtign wald hamma ja in maastricht oda in da umgebung ou nit. und schu gar nit mit nadlbam...han gestern an spaziergang gmacht und hat fascht blärt weils so schian isch..und i gar nit dran denkn will, dass i am donnerstig schu wieda fahr... (also i fahr dert ja lei auf dornbirn/bregenz, aber da gibts ja ou koane berg...an alle dornbirner: da karren isch koa berg!!!)
gestern war i aufm eddy opening. zerscht han i ma ja denkt, des weard voll scheiße, weil i alluan hingfahrn bin, aba es war so viel los, dass ma eh alle paar meter wem troffn hat, dafir hat ma di andren daweil valorn... war mal wieda voll des geile opening, di bands warn nit schlecht und i han mal wieda leit troffn, de i schu seit ewigkeitn nimma gsechn han. eigntlich wollt i ja gar nit so lang bleibn, aba irgnwann wars dann decht schu 5e und bis i dahuam war, wars dann halbe 6e. und um 9e gibts bei ins allm frühstück...also war i heit nit so aktiv, obwohl i glei nachm frühstück mit meina mama 1 1/2 stund spaziern gangn bin. aba des wars a schu wieda...muas halt heit no was fürd schual tian. bäääh...storyboard schreibn...miasns ja glei präsentiern, wenn ma wieda zrugkemmen..
morgn gea i dann mit meine schweschta shopn, des weard was...

aba mir isch wieda mal aufgfalln, wia schians in imscht isch (also da ganze bezirk) und dass i eigntlich nit mehr brauch als des. und egal wohin i überall no in da welt ummagondel, i wear zum schluss wieda zrugkemmen und mi da niederlassen, weil :

Es leit so nett am griane Roa
Mei Imscht im Sunnestrahl,
Im liabe stille Ouberland
Im griane Gurgltal.
Viel nouble Heiser hot’s woll it,
Hot Gassle eng und alt,
Und decht wisst i kua Eartle sinscht,
Dös wia mei Imscht miar gfallt.